趣味粵語繞口令
財政司叫邰正宵做財政司，邰正宵叫財政司攞臺證先，財政司話俾邰正宵知，要攞臺證先要搞掂財政先。
黐線蜘蛛條蜘蛛絲黐住枝樹枝。
床腳撞牆角，牆角撞床腳，你話床腳撞牆角定牆角撞床腳？
郭藹明見過郭可盈，話郭可盈個袋型，郭可盈叫郭藹明過海改個袋型，改成郭可盈個袋。
雞龜骨滾羹。
掘柑掘桔掘金桔，掘雞掘骨掘龜骨，掘完雞骨掘金桔，掘完龜骨掘雞骨。
肯德龜同肯德雞去肯德基食肯德基最出名嘅巴辣香雞。
麥當娜約咗麥當雄去麥當勞道嗰間麥當勞食麥皮撈當歸。
去街市買魚腸,見到姨丈,放低魚腸 問候姨丈,執翻魚腸,拜拜姨丈。
入實驗室撳緊急制。
一蚊一斤雞，一蚊一斤龜，究竟系雞貴定系龜貴？
一蚊一隻龜，七蚊一隻雞，佢話龜貴過雞，我話雞貴過龜，噉究竟龜貴過雞定係雞貴過龜。
宜家學緊瑜伽嘅姨媽而家去宜家家俬買而家啱用嘅宜家家俬。
郵差叔叔送信純屬迅速送出 。